Дома / Вицови / Личности (страна 20)

Личности

Трпе и Трпана, Мујо и Хасо, Цветко, Чак Норис.

Пасворд

Цветко го прашува Трпе:
– Зошто си толку изнервиран?
– Соседите ме полудуваат. До сега трпев се – ремонт на колата во 6 наутро, трчање на мали деца, крцкање на креветот ноќно време, кавгите и скандалите, гласните разговори на телефон, забавите, но сега сосема претераа!
– Што направија?
– Си ставија пасворд на wi-fi-то!

Пат околу светот

Трпана му вика на Трпе:
– Трпе, ако фатиме на лото, ќе одиме ли на едно патување околу светот?
– Секако дека ќе одиме, јас на запад, ти на исток.

Расправија

Трпе и Трпана се расправаат кој да го земи детето од училиште.
Трпе:
– Ти подарив ли крзнена бунда лани за роденден?
– Да, ми подари.
– А кожени зимски чизми за роденденот оваа година, ти подарив нели?
– Да, и тоа ми подари.
– Е па затоа жено ти оди да го земеш детето од школо.
– А зошто ти не одиш?
– Со шо бе жено, со чорапи и пена за бричење?

Разбирање

– Многу ми се свиѓа Трпана од први влез.
– Ооо, се разбираш ти од жени, браво!
– Ама она не ми обрнува никакво внимание.
– Еее, и она се разбира од мажи.

Развод

Бракоразводна парница во суд.
Трпана:
– Инсистирам за развод! Тој, без мое знаење, продаде сè: од фрижидерот до тавите, а парите ги испи.
Трпе:
– Јас, во мојата одбрана, сакам да кажам дека оваа „идеална домаќинка“ дури по две недели дозна дека го нема фрижидерот, шпоретот и тавите!

Пластична операција

– Трпе, убава ли сум вака нашминкана?
– Трпане, тебе не ти требе шминка за да бидиш убава!
– Ооо, Трпе колку си мил!
– Тебе ти требе пластична операција!

Вештерки

Синот го прашува таткото:
– Тате, нели вештерките ги има само во приказните?
Таткото погледнува кон кујната:
– Едно време и јас така мислев…

Цигари

Влегува Цветко во продавница, си купува цигари, ги отвара и пали една.
Продавачот му вика:
– Извинете господине, тука не се пуши!
– Е како продавате цигари, а не се пуши?
– Епа, ние и тоалетна хартија продаваме…

Желба

Во радио емисија во живо:
– Здраво, јас сум Трпана и сакам на мојот шеф Цветко да му посакам за нова година дедо мраз да му донесе една торба со презервативи.
Водителката:
– Сигурно му посакувате многу секс во новата година?
– Не, сакам такви идиоти да не се размножуваат повеќе!

Елката гори

Малиот Трпе вика на мајка му:
– Мамоо елката горииии!
– Не се вика гори сине, се вика елката свети.
– Епа добро тогаш и завесите ти светат да знаеш.