Дома / Вицови / Образованиe (страна 5)

Образованиe

Домашна задача

Учителката го прашува малиот Трпе:
– Кој ти ја напиша домашната задача?
А на ова Трпе и одговара:
– Не знам учителке, морав рано да си легнам.

Домашна

Учителката му вели на малиот Трпе утре да дојде со дедо му.
– Зошто учителке баш со дедо ми?
– Па да му кажам дека син му ги греши сите домашни!

Глагол

Наставничката му вели на Трпе:
– Кажи го во сегашно време глаголот оди.
– Јас одам, ти одиш, тој оди…
– Побрзо бе Трпе.
– Јас бегам, ти бегаш, тој бега…

Апсолвенти

Разговор на апсолвенти на државен факултет:
– Колега, уште колку испити имаш до крај?
Разговор на апсолвенти на приватен факултет:
– Колега, уште колку рати имаш до крај?

Испит

На факултет за теологија идни попови полагаат испит.
Излегува еден од испит и колегата го прашува:
– Што полагаше?
– Крштевка…
– И што направи?
– Ништо, ме бутна.
– Што ти падна?
– Бебето!

Работа

Си бил малиот Трпе и наставничката го прашува пред целиот клас:
– Трпе, што работи твојот татко?
– Мојот татко работи во стриптиз клуб за чичковци, па понекогаш е и приморен да се проституира со истите, но сепак… тоа е тоа и мора да заработи некој денар…
Шокирана од оваа вест, наставничката му вели да остане после часот да поразговараат.
– Трпе, навистина ли татко ти го работи ова? – Зачудено прашува наставничката.
На тоа Трпе одговара:
– Не наставничке, само срам ми беше пред цел клас да кажам дека игра фудбал за репрезентација.

Влакна

Учителката пишува со левата рака на таблата, а малиот Трпе зачудено гледа и одеднаш:
– Учителке па вие немате влакна под левата пазува.
Учителката мирно му вели:
– Трпе, спакувај ги твоите работи и оди си дома, за денес толку.
Утредента, на часот учителката пишува со десната рака и пак Трпе гласно го прокоментирал тоа што учителката нема влакна ни под десната пазува. Тука на учителката и пука филм и му вели да си ги спакува работите и да не доаѓа на училиште цела недела. По недела дена Трпе е пак на училиште.
Во еден момент на учителката и паѓа кредата на подот, таа клекнува да ја земе, а Трпе се наведнува да види каде се отркалала кредата. Потоа веднаш станува и почнува да се пакува.
Учителката го прашува:
– Каде ти, а?
Трпе, мртов-ладен:
– За мене оваа училишна година е завршена.

Дропки

Малиот Трпе се враќа од училиште и Трпана го прашува:
– Сине што учевте математика?
А детево и вика:
– Земавме за дропки.
Ама не му било јасно за дропки и ја прашува мајка си дали може да му објасни.
– Имаш една пита и кога ќе ја поделиш на пола што ќе добиеш?
– Една половина!
– Точно, а кога ќе ја поделиш уште на пола?
– Една четвртина!
– Точно, а кога таа пита ќе ја поделиш уште на 125 делови што ќе добиеш?
– Ќе останат само трошки.

Училиште

Во училиштето научивме:
– Да џвакаме мастики со затворена уста.
– Да спиеме со отворени очи.
– Да пишуваме СМС-пораки без гледање во телефонот.
– Да се преправаме дека го разбираме секој збор што ќе го каже професорот.
– Да лажеме.
– Да се преправаме дека пишуваме.
– Да ги декорираме кориците на тетратките.
И кој тврди дека училиштето не е корисно?

Предавање

Двајца студенти прават муабет:
– Ќе одиме на кафе или ќе одиме на предавање?
– Ајде ќе фрламе паричка, ако остане во воздух одиме на предавање.